- उच्च अश्व शक्ति क इंजन बनेनिहार भारत बनल छठम देश
- 17 अप्रैल 1874 मे चलल छल तिरहुत रेलवेक पहिल बेर ट्रेन
पटना । एकटा सपना आखिरकार साकार भ गेल। मिथिलाक धरती देश कए सबस शक्तिशाली इंजन समर्पित केलक। मधेपुरा रेल कारखाना मे तैयार देश क सबस शक्तिशाली एसी इलेक्ट्रिक इंजन पहिल बेर मालगाड़ी ल कए सोमदिन पूर्व मध्य रेल क पंडित दीनदयाल उपाध्याय जंक्शन स झारखंड क बरवाडीह तक 276 किमी क दूरी तय केलक। 118 कोयला लदल वैगन कए ल कए इंजन पंडित दीनदयाल उपाध्याय जंक्शन स डेहरी होइत करीब 120 किमी प्रति घंटा गति स बरवाडीह पहुंचल। पूर्व मध्य रेलवे क मुख्य जनसंपर्क अधिकारी राजेश कुमार कहला जे भारतीय रेलवे लेल इ गर्व क समय अछि। उच्च अश्व शक्ति वाला इंजन क उत्पादन करनिहार दुनिया क छठम देश आब भारत भ गेल। ब्रॉडगेज ट्रैक पर 12 हजार उच्च हार्स पावर क इंजन क परिचालन केनिहार भारत पहिल देश अछि।
उल्लेखनीय अछि जे 17 अप्रैल 1874 तिरहुत रेलवे क पहिल ट्रेन वाजितपुर स दरभंगा लेल विदा भेल छल। ओहि समय मे किछु स्वदेशी नहि छल। सब किछु इंग्लैंड क बनल मिथिला मे आयल छल। मुदा आइ मिथिला मे बनल देशक सबसे शक्तिशाली रेलइंजन अपन सेवा शुरु क देलक अछि। जाहि इलाका मे एक दशक पूर्व तक बिजली अनुपलब्ध छल। जाहि इलाका मे ट्रेनक सुविधा कम छल आइ ओहि इलाका स देश कए सबस शक्तिशाली एसी इलेक्ट्रिक इंजन भेट रहल अछि। पिछला 50 साल मे एहन उपलब्धि बिहार खास क मिथिला लेल त सपना भ गेल छल।
सौ किलोमीटर क रफ्तार स मालगाड़ी ल कए पहिल बेर पटरी पर दौड़ल मिथिला मे बनल इंजन जाहि बाट स गुजरल अपन नव रूपरंग आ गति स लोकक क बीच चर्चा क विषय बनल रहल। रेल मंत्री पीयूष गोयल सेहो ट्वीट करैत एकरा पैघ उपलब्धि कहलथि अछि। रेल मंत्री ट्वीट कए ईस्ट सेंट्रल रेलवे, डीआरएम डीडीयू आ फ्रांस क कंपनी अल्सटॉम सेहो रिट्वीट केलक अछि।
पूर्व मध्य रेलवे क मुख्य जनसंपर्क अधिकारी राजेश कुमार कहला जे पंडित दीनदयाल उपाध्याय जंक्शन स झारखंड क बरवाडीह तक मालगाड़ी खींच पहिल बेर विदा भेल 12 हजार हॉर्स पावर क्षमतावाला इ इंजन मधेपुरा रेल कारखाना मे मेक इन इंडिया क तहत तैयार कैल गेल अछि। एकर लोको नंबर 60027 अछि। इ सौ किलोमीटर प्रति घंटा क रफ्तार स चलेबाक लक्ष्य कए प्राप्त केलक अछि। ताहि लेल एकरा रेलवे बोर्ड स मंजूरी सेहो भेटल अछि।
मधेपुरा रेल कारखाना क मुख्य प्रशासनिक अधिकारी (सीएओ) राजीव कुमार गुप्ता कहला जे एखन धरि रेलवे क ट्रैफिक विभाग कए छहटा एसी विद्युत इंजन सौंपल जा चुकल अछि। एखन कारखाना मे 12 हजार हॉर्स पावर क चारिटा और इंजन तैयार भ रहल अछि। जेना जेना इंजन तैयार होएत परिचालन लेल रेलवे क ट्रैफिक विभाग कए सौंपल जाएत।
दोसरसमाचार
ज्ञात हुए जे मधेपुरा रेल कारखाना क घोषणा तत्कालीन रेलमंत्री लालू प्रसाद केने छलाह। प्रधानमंत्री नरेन्द्र मोदी एकर दस अप्रैल 2018 कए उदघाटन केलथि।
