पटना । बिजली किल्लत स जूझ रहल बिहार क लेल नीक समाद अछि। अदानी पावर लिमिटेड राज्य मे बिजली क क्षेत्र मे सात हजार करोड़ क निवेश करत। मुख्यमंत्री नीतीश कुमार क मौजूदगी मे कंपनी अपन परियोजना क ब्योरा प्रस्तुत केलक। मुख्यमंत्री कहला जे बिहार मे होइवाला हर निवेश क ओ स्वागत करैत छथि। ओ कहला जे अदानी पावर लिमिटेड बिजली क्षेत्र मे निवेश क इच्छा जतेलक अछि। एकर अध्ययन करि आगूक कार्रवाई कैल जाएत। मुख्य सचिव आगूक कार्रवाई क लेल कंपनी स गप करैत रहताह।
ओ कहला जे बिहार मे निवेश क असीम संभावना अछि। बिजली क अलावा फूड प्रोसेसिंग क क्षेत्र मे उद्योग स्थापित कैल जा सकैत अछि। बिहार क लीची आ लंगड़ा आम काफी प्रसिद्ध अछि। एकरा स्टोरेज करबाक आवश्यकता अछि। एकर लाभ किसान कए भेटत। हुनकर आर्थिक स्थिति मे सुधार होएत। एखन लीची क मौसम अछि, एहि लेल अगर अदानी ग्रुप मुजफ्फरपुर आ चंपारण क लीची क अध्ययन करि ओकर संरक्षण क उपाय करए, अपन सुझाव दिए आ कार्रवाई करए त हमरा नीक लागत।
एहि अवसर पर कंपनी क अध्यक्ष गौतम अदानी कहला जे बिहार मे निवेश क वातावरण तैयार भेल अछि। एहि स उत्साहित भ कंपनी कोल माइंस आ ऊर्जा क्षेत्र मे निवेश करबाक निर्णय लेलक अछि। 660 मेगावाट क दूटा यूनिट क स्थापना करबा अछि। उरमा पहाड़ी टोला मे कोल माइंस क विकास करबाक अछि। सात हजार करोड़ क एहि परियोजना स लगभग पांच हजार लोक कए रोजगार भेटत। एक लाख 25 हजार करोड़ क कारोबार करवाला इ कंपनी बिहार मे माइनिंग आ बिजली उत्पादन क क्षेत्र मे निवेश करबा लेल तैयार अछि। एहि मौका पर कंपनी दिस स पावर प्वाइंट प्रस्तुत सेहो भेल जाहि मे कंपनी क सबटा परियोजना कए विस्तार स बताउल गेल।
ज्ञात हुए जे 1988 मे स्थापित एहि ग्रुप क संस्थापक आ चेयरमैन गौतम अदानी छथि। एकर मुख्यालय अहमदाबाद मे अछि। फिलहाल एहि ग्रुप क 50 स बेसी कंपनी अछि। इ ग्रुप आधारभूत संरचना, बिजली उत्पादन, अंतरराष्ट्रीय व्यापार, बंदरगाह, विशेष आर्थिक क्षेत्र (सेज), माइनिंग, तेल आ गैस, कृषि आधापरत व्यवसाय, परयल एस्टेट आदि क्षेत्र मे कार्यरत अछि। अदानी पावर लिमिटेड गुजरात क कच्छ जिलाक मुंद्रा मे 4620 मेगावाट क कोयला आधापरत बिजलीघर लगा रहल अछि, जे देश मे सबस पैघ बिजली परियोजना अछि। एहि मे 1980 मेगावाट क पांचटा यूनिट अछि। इ दिसंबर, 2010 मे चालू होएत।
elt iti