पटना। एकरा जादू कहू या किछु करबाक जूनून मुदा बिहार ओ करि देलक जे किछु साल पहिने तक सपनो मे नहि सोचल जा सकैत छल। दुनिया भरि मे मंदी क कारण विकास क पहिया धीमा भ गेल अछि, मुदा बिहार मे विकास क पहिया पिछला किछु साल मे एहन घूमल जे आब गतिक सबटा रिकार्ड तोडि देलक अछि। बिहार मे विकास दर क नवीनतम आंकडा सामने आबि गेल अछि। आंकडा क अनुसार वर्ष 2011-12 मे बिहार क आर्थिक वृद्धि दर 16.71 प्रतिशत रहल जे पिछला पांच साल मे सर्वाधिक अछि। प्रति व्यक्ति आय सेहो बिहार मे खूब बढल अछि।
बिहार क उपमुख्यमंत्री सह वित्तमंत्री सुशील कुमार मोदी अपन आवास पर इ घोषणा करैत कहला जे वित्तीय वर्ष पूरा भेलाक बाद जून मास मे कैल गेल त्वरित आकलन क अनुसार वर्ष 2011-12 मे बिहार क विकास दर 16.71 प्रतिशत दर्ज कैल गेल अछि जे पिछला पांच साल क उच्चतम स्तर अछि। मौजूदा सरकार कए सत्ता मे एलाक बाद पिछला छह साल मे प्रति व्यक्ति आय सेहो 80 प्रतिशत बढि कए 15,470 टका तक पहुंच गेल अछि।
ओ कहला जे वर्ष 2011-12 मे बिहार मे खाद्यान्न क रिकार्ड उत्पादन भेल। वर्ष 2011-12 मे बिहार मे 166.69 लाख टन खाद्यान्न क उत्पादन भेल जखनकि 2010-11 मे 103.47 लाख टन खाद्यान्न उत्पादन भेल छल। मोदी कहला जे कृषि क्षेत्र मे रिकार्ड उत्पादन वृद्धि क बदौलत वर्ष 2011-12 मे बिहार क आर्थिक विकास दर 16.71 प्रतिशत पहुंचल अछि।
राज्य क वित्त मंत्री सुशील कुमार मोदी कहला जे वर्ष 1981-82 स ल कए 1990-91 तक बिहार क आर्थिक वृद्धि औसतन 4.9 प्रतिशत रहल आ 1991-92 स 1995-96 तक एहि प्रदेश क विकास दर शून्य रहल छल। वर्ष 1995-96 स 2001-02 तक इ वृद्धि औसतन 3.8 प्रतिशत रहल।
ओ कहला जे बिहार क विकास दर मे एहि स पहिने जे उतार-चढाव बेसी रहल ओकरा इ सरकार कम केलक अछि आसरकारक प्रयास अछि जे 12म पंचवर्षीय योजना मे बिहार क जे विकास दर अछि ओ 13 प्रतिशत हासिल भ सकए। राज्य सरकार क पूरा तैयारी एहि दिशा मे अछि।
maithili news, mithila news, bihar news, latest bihar news, latest mithila news, latest maithili news, maithili newspaper
नीतीशजी आ’ सुशील कुमार मोदीक किछु करबाक जुनून आ’ दुनुक ट्यूनिंग के परिणाम थिक ई उत्कृष्ट विकास दर । मानव जब जोर लगाता है, पत्थर पानी बन जाता है ।
हमरा लागि रहल अछि जे की इ सब सिर्फ कागज पर अछि , आ लोक के वेबकुफ बना रहल छैथ सरकार.
कियाक त जइ राज्य में एखनो लोग भूक स मरैत अछि ताहि राज्य में सिर्फ नेता आ अफसर सब कमई क दर एतेक उच्च भ सकैत अछि
धन्यबाद.
E samad padhi ke man gad gad bhai gel lekin eker asar dharatal par dekha nahi rahal achhi Bihar ke upeksha pure Bharat me bhai rahal achhi ahi lel sab gote athak prayas karu e humar agrah achhi.
sanjeev jha
madhubani(uren)
Bihar