दोसरसमाचार
रामबाबू
पटना । राज्य निवेश प्रोत्साहन परिषद (एसआईपीबी) सँ बिहारमे निवेश हेतु 25 नव प्रस्ताव आएल अछि। हालहि मे एसआईपीबी केर बैसारमे अहिमे सँ 22 केर मंजूरी भेट चुकल अछि। अहिमे करीब एक अरब रुपैयाक निवेश केर संभावना अछि। अहिमे सँ 11 प्रस्ताव खाद्य प्रसंस्करण क्षेत्रकें लेल अछि।
ओतय प्लास्टिक एवम रबर क्षेत्रक लेल पांच प्रस्ताव अछि। स्वास्थ्यसँ जुड़ल दू, तकनीकी शिक्षासँ दू, पर्यटनसँ एकटा, केमिकल क्षेत्रसँ एकटा आऔर अन्य सँ तीन प्रस्ताव शामिल अछि। अहि सभमे बड़का प्रस्ताव मुजफ्फरपुरमे फार्मास्युटिकल कंपनीक लेल 59 करोड़ 90 लाख रुपैया आऔर पटनामे तकनीकी शिक्षा क्षेत्र लेल 20 करोड़ रुपैयाक प्रस्ताव शामिल अछि।
प्रदेशक करीब 70 प्रतिशत जनसँख्या कृषि पर निर्भर अछि। जतय बिहारमे नव औद्योगिक नीति लागू भेलाक बाद सबसँ बेसी रुचि खाद्य प्रसंस्करणकें क्षेत्रमे निवेशक देखा रहल अछि। राज्य सरकारकें एखन धरि खाद्य प्रसंस्करणकें क्षेत्रमे निवेशककें 50 सँ बेसी प्रस्ताव भेट चुकल अछि। अहिमे केवल 220 करोड़ रुपैयाक निवेश प्रस्तावित अछि। अहिमे चावल मिल सँ लSक चाय प्रसंस्करण इकाई धरि शामिल अछि। एकर सोझा सोझी लाभ बिहारक किसान सभकेँ आऔर कृषि क्षेत्रमे काज करनिहार लोककेँ भेटतनि।
ब्रिटानिया कंपनी बिहारमे डेयरी केर क्षेत्रमे आएब रहल अछि। एकर एकगोट इकाई हाजीपुरमे काज कS रहल अछि। इमामी सेहो बिहारमे खाद्य तेल इकाई लगेबाक गप्प कहलक अछि। आईटीसी राज्यमे दूध उत्पादनकें बढोतरीमे जुटल अछि। कंपनी कच्चा मालक स्वरूपे राज्यक सात जिलासँ करीब एक लाख टन गहूम आऔर मकई ख़रीदलक अछि। ई कंपनी आब राज्यमे फल सभक जूसकें पैकेजिंग करेबा पर सोचि रहल अछि।
खाद्य प्रसंस्करणमे आएल पैघ पैघ कम्पनी सभ : उद्योग विभाग केर अधिकारि सभक कथन अछि कि खाद्य प्रसंस्करण लेल देशक कएको पैघ कम्पनी सभ बिहारमे निवेश कएलक अछि, आ कएको नव कम्पनी सभ निवेशमे रुचि देखेलक अछि। केवल अही क्षेत्रमे ई साल मार्च तक करीब 1,000 करोड़ रुपैयाक निवेशक आशा अछि। जाहिसँ करीब 2,000 लोकक रोजगार भेट सकैत अछि। आधिकारिक सूत्रक कथन अछि कि नेस्ले बिहारमे 500 करोड़ रुपैयाक निवेशक इच्छा जतेलक अछि। बिस्कुट, नूडल्स, कूकीज आऔर दोसर खाद्य उत्पाद बनेबाक ओकर प्रस्ताव अछि।
