कियै छै ,यौ?
भ्रमण कैलों हैं विश्व भरि प्रभु,
प्रतिभाक लोहा भी मनवैलिये यौ!
चक्रव्यूह में आइखन अभिमन्यु नै,
सत्तर बरखक पार वयोवृद्ध,
कुटिल कौरवे के मरवाएलियै यौ!
तैयौ दुखियारी देशक!
चक्का जाम कियै छै यौ?
चक्का जाम कियै छै यौ?
जी. एस.टी के जाल में,
माछड़ियो खूब बझैलियै यौ!
भगा कs पचसोईया आर हजरिया कें,
गुलाबो दो हजरिया के घोर बसैलिये यौ!
जै थोड़ थाक कसर बचल खुचल रहै
ट्रेफिक वाल सभ सँ भरि दम जोर लगैलियै यौ।
तैयो हमर भारत माता के, खजाना खाली कियै छै यौ?
खजाना खाली कियै छै यौ?
उन्मादी भीड़क युवा सब, वंश बतौड़ के छोड़ि कै।
पृथ्वीक भगवान अहाँ के मानिके,
अहें के भक्ति मे तल्लीन छै
यौ तैयौ युवा सभक हाथ मे नौकरीक जगह,
भीखक कटोरा कियै छै यौ?
भीखक कटोरा कियै छै यौ?
हे मृत्यु लोक के शिव,
गंगा मैयाक विशेषज्ञ अथिति,
हमरा आज्ञानीक कनि मार्गदर्शन कs दिऔ,
जे पिताक वचन निभाबै ले,
ठुकरा देलखिन्हए सभटा राज पाट।
ओएहन जय श्रीरामक उद्घोष वाला देश मे,
एतैक वृद्धाश्रम कियै छै यो?
वृद्धाश्रम कियै छै यो?
